一日三餐對大眾嚟講,係平常不過嘅生活一部分。不過對於吞嚥困難人士嚟講,如果一日三餐都淨係得將所有食材攪埋一齊嘅糊仔、粥水,唔知自己食緊乜,其實係一件好痛苦嘅事。 所以社聯一直致力將「照護食」帶到社區,希望幫到有需要嘅人食到外觀吸引又可以安全吞嚥嘅食物。

12月12日係 #世界吞嚥日,誠邀大家一齊趁著呢段日子認識多啲吞嚥困難嘅資訊! 呢幾年來,社聯由透過「樂齡科技博覽暨高峰會」介紹各式樂齡美食、舉辦不同推廣活動,以至與香港兩間大學制定適合本地使用嘅「照護食標準指引」,協助社區上一眾吞嚥困難患者同照顧者,了解點樣應用照護食去緩解吞嚥問題。

唔少社福機構亦正為普及照護食出心出力,甚至一齊嘗試喺社區試行派發照護食飯盒服務,希望社會各界攜手合作,共同締造一個關懷吞嚥困難人士嘅飲食環境,讓人人大享口福!

「照護食一站通」網址: www.carefood.org.hk

標籤:
Back to Top