一日三餐对大众嚟讲，系平常不过嘅生活一部分。不过对于吞咽困难人士嚟讲，如果一日三餐都净系得将所有食材搅埋一齐嘅糊仔、粥水，唔知自己食紧乜，其实系一件好痛苦嘅事。 所以社联一直致力将「照护食」带到社区，希望帮到有需要嘅人食到外观吸引又可以安全吞咽嘅食物。

12月12日系 #世界吞咽日，诚邀大家一齐趁着呢段日子认识多啲吞咽困难嘅信息！ 呢几年来，社联由透过「乐龄科技博览暨高峰会」介绍各式乐龄美食、举办不同推广活动，以至与香港两间大学制定适合本地使用嘅「照护食标准指引」，协助社区上一众吞咽困难患者同照顾者，了解点样应用照护食去缓解吞咽问题。

唔少社福机构亦正为普及照护食出心出力，甚至一齐尝试喺社区试行派发照护食饭盒服务，希望社会各界携手合作，共同缔造一个关怀吞咽困难人士嘅饮食环境，让人人大享口福！

「照护食一站通」网址: www.carefood.org.hk