听讲今年 「乐龄科技博览暨高峰会2025」新加咗唔少对轮椅人士友善嘅科技产品，Rabi即刻话要嚟睇下。

首先就去咗今年新增嘅主题区「便便馆」。除咗认识更加多肠道健康信息，仲试用咗超强嘅智能马桶！佢唔单止系座厕，仲可以实时分析大便数据，检查肠道健康状况，真系既私隐又方便！

之后去到「照护食乐园」，Rabi 发现咗一部3D食物打印机！无论系咩原材料，只要放入去，就可以印出卖相精致、味道一流嘅餐点！

行咗无两步，Rabi又比「AI智慧家居体验馆」入面嘅超大送药无人机吸引住！想象吓未来唔洗出门，平安药、急需药物直接飞到屋企窗外。对 Rabi 嚟讲，呢种科技真系大大减低咗出入医院嘅劳累！

讲到高科技又点会少得「国家创新科技长廊」，Rabi 试用咗专为轮椅人士设计嘅智能机械臂。以前高处拎唔到嘅嘢、或者重物，依家只要动动手指控制机械臂，就可以轻易拎到。呢种自主感，先系乐龄科技带畀长者同残疾人士最大嘅礼物！